2020年的新目標已確定

踏入2020年又係篤下個計數機嘅時候，發現離2019年年頭set俾自己嘅target仲有一段距離(忍唔住12月走咗去追星)，唉... 廢中果然係廢中，洗錢能力始終強過儲錢能力... 嗚嗚.....

由於跑唔夠數而新target又開始咗, 所以2020年我要全力進入謹慎投資+消費模式，即係賺得一蚊得一蚊、慳得一蚊得一蚊, 用盡任何方法大小通吃。直到今日為止，進帳成績唔錯, 都夠我每天返工洗費，希望此成續可以繼續落去, 咁每月慳到嘅錢就可以加碼落月供度，滚大佢。

11月份BOC中銀月供

轉眼又到11月中，離年尾只餘下1個半月，今日篤下個計數機發現離年頭set俾自己嘅target仲有一段距離，唉... 廢中果然係廢中，洗錢能力始終強過儲錢能力，希望嚟緊呢段時間可以追得幾多得多。

嚟輪嘅跌市筆者都無能力趁低吸納，原因離不開收入低、基本開支大、無太多餘錢可蓄，

不過，之從月供股票後我的生活方式確實比以前好，好的意思是用錢方面比較有規劃，減少了「衝動式購物」，少了許多浪費。

11月份月供：

00002中電控股      買入 24 股 $81.8

00003香港中華煤氣  買入 196股 $15.2

00011恒生銀行      買入 48 股 $164.7

00012恒基地產      買入 260股 $38.35

00016新鴻基地產    買入 8股   $111.70

00066港鐵公司      買入 67股  $44.20

00823領展房產基金  買入 36股  $82.3

9月份BOC中銀月供

又到每月嘅月供日，今期供多少少

9月份月供：

00002中電控股      買入 24股 $79.9

00003香港中華煤氣  買入 225股 $15.48

00011恒生銀行      買入 17 股 $172

00012恒基地產      買入 226股 $37.5

00016新鴻基地產    買入17股  $115.4

00066港鐵公司      買入 64股 $46.3

00823領展房產基金  買入 33股 $88.9   

02638港燈－ＳＳ    買入 528股 $7.55

「寧賺少，也莫賠錢」的事日雞碎注

之前提過筆者在牛牛開了戶學習一下短炒的奧妙(實情是貪圖迎新獎賞), 而所獲贈的一股5、11亦已在7月時放賣掉，賣出價為: 5仔$64, 11恆生 $194.4，至於700,因在8月中才入帳, 所以仍然持有。

而我亦有幸得到在投資方面有多年經驗的朋友指導，學懂了一些看圖/入貨技巧，不過我還是認為圖表只能作為入市的參考值，在决定買/賣時仍然要取决於當日市況。而對於有興趣的炒股我有作每日「開市、最高、最低、收市」的記錄。身為菜鳥的我就是沒什大志，以「寧賺少，也莫賠錢」，志在吸收短炒經驗的心態來作操作，所以每次只賺得「雞碎咁多」也收貨，還樂上半天呢。(有緣看到這blog的朋友一定很看不起「雞碎咁多」也賺的筆者吧)

事日雞碎 23/08:

1177 $10.56入  $10.70出

3662 $4.90入   $4.99出

8月份BOC中銀月供

由於想買嘅股太多但$卻少得很, 所以筆者用月供的方式去買入心儀嘅股。當然這並不是一個很好的投資方法, 但對資金不多的我來說這無疑是最佳選擇，所以月供方面作出了一些變動。939建設銀行因短期內唔太睇好內銀兼不想再動用有限資金去溝貨月供, 所以本人已全數沽出, 扣埋已收股息，損$ 1256.18。

有出自然有入, 近月見00016 新鴻基地產股價下跌不少,所以將之加入了我的月供家庭, 不過此股不會長供, 儲夠幾手滿足下自己就算了。

8月份月供：

00002中電控股          買入 17股 $83.55

00003香港中華煤氣   買入 178股 $16.76

00011恒生銀行          買入 17 股 $166.7

00016新鴻基地產      買入 18股  $109

00012恒基地產         買入  81股 $36.8

00066港鐵公司         買入  63股 $46.85

00823領展房產基金   買入  34股 $87.10

踏出短炒第一步:學習坐艇

在6月尾時筆者開了個牛牛戶口，由於該券行做緊開戶Promo，所以獲贈了00011恒生、00005滙豐及00700騰訊各@1股。

由於我只是一位股場菜鳥，一向只在銀行作穩陣投資，沒有無任何短炒經驗(唔係唔想，只是給銀行的手續費嚇到卻步) ，所以此牛牛戶口會用來作為學習，亦由於只是在模索階段，所以每次賺少少已心足，務求唔好咁快輸哂呢$24,900，因我唔會再加錢入去。

暫時成績：

08/07/2019 ~ : 5勝1輸1坐艇(3883奧園 $10.98 @2000股，未放,坐艇中)

無題

由6月開始到現在發生的事已令我覺得香港已不再是我熟識的家。已不想再看任何新聞報導了，因真的令我越看越抑鬱。現在的我會花更多心思去將自己的錢增值，我要提早過財務自由的生活。

係時候update下自己份保單了

連月來因受特衰政府洗腦式推銷嘅自願醫保影響，最近我都重新審視下我d「遠古級」燕梳(唔叫保險叫燕梳, 係咪好浪漫呢)。

果然我份「遠古級」燕梳就如前特首董伯伯當年嘅八萬五一樣已經唔存在喇(即是解:絕版了) ，所以我决定將原有的遠古級危疾抽出(史前嘢,年紀越大,供款會增加,會越供越興奮,增加爆血管風險), 新供一份現代版危疾，當然受保範圍比舊保單多好多好多好多，雖然保費略高(因我差不多到耆英級數及新保單有儲蓄成份) ，但仍可接受，而我新嘅「A盡時」亦都好努力去配合我呢位Cheap客，所以我都要多謝佢一聲。而「綠M」嘅promo禮物我就抽中咗$300 C9劵 & 預繳$1,700換隻apple watch 3。 點解係預繳?其實有隻Fitbit係Free,但如揀apple，只要頭2年平均每日最少行10,000步, 咁「綠M」就會分2年退返$1500俾你(即$750/年) ，另外每年步行若達標,來年保費就會有折扣，為咗慳呢筆$,我一定會努力運動。

加供939 建設銀行 & 2中電

今個月月供金額多咗少少,見939建設銀行個價有下調跡象所以今個月開始加供半年。(另有一注上年$ 7.08買入, 連手續費均價@$ 7.22, 唔知幾時先返到家鄉。)另亦加供埋2號仔中電，雖然昨日出咗盈警，澳洲零售業務商譽進行減值, 有可能影響派息,但無損我對佢嘅信心, 妨且用月供方式去儲股其實都已幫我分散咗d風險。

6月份中銀月供入嘅貴貨

00002中電控股     買入 55股   $90.3

00003香港中華煤氣 買入 376股  $17.22

00011恒生銀行     買入   4股  $202

00012恒基地產     買入 167股  $41.75

00066港鐵公司     買入  61股  $48.75

00823領展房產基金 買入  50股  $99   

00939建設銀行     買入  627股 $6.36

5/2019 中銀月供

00003香港中華煤氣 買入 423股 $18.86

00011恒生銀行     買入   4股 $201.8

00012恒基地產     買入 210股 $47.45

00066港鐵公司     買入  43股 $46.25

00823領展房產基金 買入  26股 $94.95   

由於3、12將會派發紅股(十送一呢個財技問題一直為好多人津津樂道) 所以比平時供多咗少少,望攞靚少少個平均價。

由於可愛嘅「侵侵」又出招, 令股市又下行到271xx點，所以下個月嘅供款金額有機會再次作用調動,或加供多1、2隻股(雖我資金有限)。

月供股票一週年

不經不覺筆者進行月供股票已有1年時間，投資戶口由當初的$0變為今天漸見氣色，實在令人感動又鼓舞(學子華神話齋一定係鬼上身) 。

「窮人多嗜好，網購點少得！」其實早在進行月供股票前，筆者為了戒除胡亂/重覆消費的惡習，已好忍耐地完成了一份18個月的零存整付，利息雖少，但總比只想不動(身邊有太多呢類型朋友)為優吧。

當然除了資產增值外, 個人增值亦少不得。正所謂「少壯不努力，老大徒傷悲」、「書到用時方恨少」，筆者在這方面有深切體會(又到講古時間)。

小時候讀書成積不佳，小一已被留級，在母親大人苦苦哀求校長及班主任下，校方最終勉強給我升上小二，而母親大人亦特地花$為我請來補習老師，望我成積會有進步，可惜筆者天生「懶過條蛇」嘅獨特氣質(氣質?!)發揮得太過淋漓盡致，所以母親的如意算盤從未打响，當然呢個親手養植咗幾廿嘅惡果到咗今時今日終於要硬食。 為了可以增進自己嘅才華，近年不停花$去進修(本應唔使$讀,宜家就要自費，係咪犯賤),只望响步入耆英階段前能夠來個廢中大翻身，否則真係會後悔。

踏入月供股票第二年，希望我嘅資產增值之路繼續一帆風順，而我亦會一如以往用零存整付的方式去預留學費。

我的月供組合:

3 煤氣     

11 恆生     

12 恆基   

66 地鐵   

823 領展